Մենք արդեն տեղեկացրել ենք, որ այս ամսվա վերջին Մաքուր և կիրառական քիմիայի միջազգային միության քննարկմանը կներկայացվեն Ռուսաստանի Դուբնա գիտահետազոտական կենտրում ակադեմիկոս Յուրի Հովհաննիսյանի ղեկավարությամբ և ամերիկյան գիտնականների մասնակցությամբ հայտնաբերված նոր քիմիական տարրերի անվանումները, որոնք աղյուսակում կունենան 114-րդ և 116-րդ համարները:
Նախնական տեղեկություններով` 114-րդ տարրի համար առաջարկվում էր ունունկվադիում անվանումը (հայտնաբերվել է 1999 թ.), իսկ 116-րդի համար` ունունգեկսիում: Ավելի վաղ հաղորդվել էր, որ 116-րդ տարրի համար առաջարկվել է մոսկովիում անվանումը:
Սակայն ամերիկացիներն իրենց հերթին ցանկանում են դրանք կոչել Լեոնարդո դա Վինչիի և Գալիլեո Գալիլեյի անունով: Եվս մեկ հնարավոր տարբերակ է լիվերմորիումը` Լիվերմորյան լաբորատորիայի պատվին, որը մասնակցել է տվյալ տարրերի հայտնաբերմանը:
