Facebook-ում ստեղծվել է «ՀՀ 2-րդ նախագահ Ռոբերտ Քոչարյանի վերադարձն ակտիվ քաղաքականություն» էջը: Նման յուրօրինակ նախաձեռության հեղինակները Նվեր Բ. Բաղդասարյան և Ustin Talitov անվան տակ հանդես եկող անձինք են:
Վերջիններս խնդրում են իրենց էջ այցելածներին կարծիքներ թողնել՝ որքանո՞վ է վերջինիս վերադարձը քաղաքականություն հավանական, կամ սատարո՞ւմ են նրան արդյոք, թե՞ ոչ:
Ուսումնասիրելով էջի պատը` ականատես ենք լինում տարբեր արձագանքներին՝ «Հույս ունենանք` տենց հիմարություն չի անի», «Դուք անասո՞ւն եք, այո՞, դու անասուն են», «Էս երևի կատակ եք անում», «Հայերի սովորությունն է, չէ՞, որ մի պաշտոն զբաղեցնում են, արմատներ են գցում: Թող գնա ՀՀ-ի 2-րդ նախագահը իրա կերած փողերով կյանքը վայելի, ոչ թե ուզի՝ էլի ուտի», «Մարդասպանը պետք է նստի բանտում! Հաագայի! Հոկտեմբերի 27, Մարտի 1, Դատվելո՛ւ ես Ռոբիկ!» և նմանատիպ այլ գրությունների:
Ընդ որում՝ պարզից էլ պարզ է, որ նախաձեռնության հեղինակներն իրականում բոլորովին այլ մարդիկ են, ովքեր թաքնվում են հնարովի անունների ներքո: Դրա համար բավական է միայն նայել նրանց անձնական էջերը:
Նշենք, որ այս պահի դրությամբ 66 մարդ արդեն հավանություն է տվել այդ գաղափարին:
