ԱՄՆ-ում շարունակվում է փոփ աստղ Մայքլ Ջեքսոնի մահվան գործով դատավարությունր, որի ժամանակ ցուցադրվել է մահացած երգչի լուսանկարը, որտեղ նա պատկերված է մերկ՝ սպիտակ սավանի վրա: Ինչպես հաղորդում է The Daily Mail պարբերականը, լուսանկարը ներկայացվել է որպես մեղադրող կողմի վկաներից մեկի` բժիշկ Քրիստոֆեր Ռոջերսի խոսքերի ապացույց:
Նա ատենակալներին բացատրել է, որ մահից հետո Ջեքսնը եղել է իր տարիքի համար ոչ վատ ֆիզիկական վիճակում, սակայն նրա մարմնի վրա նկատելի են եղել մեծաթիվ ներարկումների հետքեր, իսկ սիրտը, ըստ բժշկի, առողջ էր: Վկան հայտարարել է, որ, դատելով ամեն ինչից, տեղի է ունեցել սպանություն, քանի որ Ջեքսոնը չէր կարող ինքնուրույն ընդունել պրոպոֆոլ:
Այսպիսով, շարունակում է կասկածի տակ մնալ երգչի բժիշկը` Կոնրադ Մյուրեյը, որին մեղադրում են երաժշտի չկանխամտածված սպանության մեջ: Վկան հայտնել է, թե ինքը չի հավատում, որ Ջեքսոնը կարող էր ինքնուրույն ընդունել պրոպոֆոլ երկու րոպեի ընթացքում՝ մինչ բժիշկը սենյակում չէր: Բացի այդ, նա նշել է, որ Մյուրեյը չի ունեցել բժշկական գործիքներ` անհրաժեշտ քանակությամբ դեղամիջոց տալու համար, ուստի նա հեշտությամբ կարող էր պրոպոֆոլի մեծ չափաբաժին տալ: