Պեկինում ընթացող բարձր մակարդակի բանակցությունների շրջանակում ԱՄՆ նախագահ Դոնալդ Թրամփը և Չինաստանի առաջնորդ Սի Ծինփինը քննարկել են միջազգային օրակարգի առանցքային հարցեր, որոնց կենտրոնում եղել է Մերձավոր Արևելքում ստեղծված իրավիճակը։ Ինչպես հայտնում է չինական պետական Xinhua լրատվական գործակալությունը, առաջնորդները մտքեր են փոխանակել տարածաշրջանային կարևորագույն խնդիրների, այդ թվում՝ Ուկրաինայում ընթացող պատերազմի վերաբերյալ։
Գագաթնաժողովի գլխավոր հարցերից մեկը, որը մնում է միջազգային հանրության ուշադրության կենտրոնում, այն է, թե արդյոք Թրամփին կհաջողվի համոզել Սի Ծինփինին՝ օգտագործել իր ազդեցությունը Իրանի հետ Իսրայելի և ԱՄՆ-ի հակամարտությունը դադարեցնելու համար։
Չինաստանը հանդիսանում է Իրանի առանցքային դաշնակիցը և ունի լուրջ լծակներ պաշտոնական Թեհրանի նկատմամբ՝ լինելով իրանական նավթի հիմնական գնորդը։
Այս քննարկումները կարող են վճռորոշ նշանակություն ունենալ համաշխարհային անվտանգության համար, քանի որ Վաշինգտոնն ակնկալում է Պեկինի միջնորդությունն ու տնտեսական ազդեցության կիրառումը՝ տարածաշրջանային հետագա սրացումներից խուսափելու նպատակով։
