Իրանը հերքում է Վաշինգտոնում Իսրայելի և Սաուդյան Արաբիայի դեսպանատներում պայթյուններ նախապատրաստելու և սաաուդյան դեսպանի վրա մահափորձ կատարելու մասին ԱՄՆ՝ իրեն ուղղված մեղադրանքները:
«Սա Ամերիկայում պատրաստված երգիծական շոու է: Իրանը ամբողջությամբ հերքում է Վաշինգտոնում Սաուդյան Արաբիայի դսպանի մահափորձի կեղծ և անհիմն մեղադրանքները»,- Իրանի ԱԳՆ ներկայացուցիչ Ռամին Մեհմանպարաստին է մեջբերում Reuters գործակալությունը:
Երեքշաբթի հաղորդվում էր, որ ԱՄՆ-ում ձերբակալվել են երկու իրանցի, ոորնք մեղադրվում են ԱՄՆ-ում ահաբեկչությունների նախապատրաստման մեջ: Ձերբակալվածներից մեկը խոստովանել է մեղքը և հայտնել, որ հարձակման ծրագրի մշակման և ֆինանսավորման մեջ ներգրավված է Իրանի կառավարությունը:
ԱՄՆ գլխավոր դատախազ Էրիկ Հոլդերն ասել է, որ Թեհրանը պետք է պատասխանատվության ենթարկվի դրա համար: Նրա խոսքով` առաջիկայում ԱՄՆ-ը կհայտարարի Իրանի նկատմամբ իր գործողությունների մասին:
