ՅՈՒԿՕՍ-ի նախկին փոխնախագահ Վասիլի Ալեքսանյանը ազատվելուց հետո բողոքում էր անընհատ հետապնդումներից: The New Times պարբերականը hատվածներ է բերում Ալեքսանյանի` մինչ այս չհրապարակված հարցազրույցից:
«Սա հնարավոր չէ տանել: Նրանք ահաբեկման են ենթարկում այն մարդկանց, ովքեր ինձ հետ աշխատում են, ովքեր փորձում են ինձ օգնել»,- ասել է Ալեքսանյանը: Մասնավորապես նա պատմել է, որ իր վարորդին երկու անգամ ձերբակալել են այն բանի համար, որ նա իբր վրաերթի է ենթարկել հետիոտնին և թաքնվել: Սակայն, ըստ իրավաբանի, ենթադրյալ հանցագործության պահին մեքենան եղել է ավտոտնակում:
Բացի այդ, Ալեքսանյանի խոսքով` ճնշումներ են գործադրվել նաև իր բժշկի վրա, որին ասել են. «Մենք նրան ազատ ենք արձակել այն հաշվարկով, որ մեկ տարվա ընթացքում կմահանա»:
Ալեքսանյանը պատմել է, որ իշխանությունները մերժել են Մեծ Բրիտանիա գնալու իր խնդրանքը`հայտարարելով, որ իր կապը Ռուսաստանի հետ բավարար չափով ամուր չէ:
Նա նաև պատմել է, որ 1993 թվից հետո 16 անգամ եղել է Մեծ Բրիտանիայում, իսկ անցյալ տարի մի քանի անգամ եղել է արտասահմանում և դիմել տարբեր բժիշկների: «Եվ ես ոչ մի տեղ չեմ մնացել, ոչ օգնություն, ոչ քաղաքական ապաստան չեմ խնդրել»,- ասել է Ալեքսանյանը:
Վասիլի Ալեքսանյանը մահացել է 2011 թ. հոկտեմբերի 3-ին երկարատև հիվանդությունից հետո: Ալեքսանյանն ազատազրկման մեջ անցկացրել է շուրջ 3 տարի և ազատ է արձակվել 2008 թ.` 50 մլն ռուբլի գրավի դիմաց:
