Ի տարբերություն Լինդսեյ Լոհանի, էվա Լոնգորիայի և Դեմի Լովատոյի՝ Էլլեն Դեգեներեսը չի կազմել Քիմ Քարդաշյանի և Քրիս Համֆրիզի՝ օգոստոսի 20-ին տեղի ունեցած հարսանիքին հրավիրված հյուրերի ցուցակը: Իրեն արհամարհված զգալով՝ 53-ամյա երգիծաբանը որոշել է իր շոուի ժամանակ «բեմադրել» զույգի հարսանիքի երդման արարողությունը:
«Մենք՝ 300 հոգի, որ հրավիրված չէինք Քիմի և Քրիսի հարսանիքին, այսօր հավաքվել ենք այստեղ և այս հեռուստաշոուի սահմաններում նորից վերապրում ենք Քրիս Համֆրիզի և Քիմ Քարդաշյանի ամուսնությունը»,- ասել է Դեգեներեսը և շարունակել. «Ձեր ամուսնությունից անցել է արդեն 5 շաբաթ, որը բավականին երկար ժամանակահատված է աստղերի համար, այսպիսով՝ ժամանակն է թարմացնել ձեր երդումը»:
Համֆրիզը երդվել է հարգել, սիրել, միշտ կնոջ կողքին լինել և գնել Դեգեներեսի նոր գիրքը: Քարդաշյանի երդումը նույնպես զվարճալի է եղել, նա խոստացել է Համֆրիզին առաջինների շարքում դասել` կա՛մ Քըրթնիից վերև, կա՛մ Քլոուից ներքև:
Մատանիները փոխանակելուց հետո Դեգեներեսը նրանց այր և կին է հայտարարել:
