Մի տխուր բան կա լրատվական կայքերին հետևելու մեջ: Դա այն է, որ նույն լուրն անընդհատ կրկնվում է, և նույնիսկ որևէ բառի փոփոխություն չկա, ինչը ձանձրալի է դառնում ու ստիպում չհետևել տվյալ կայքին: Եվ երբ 1in.am-ն ստեղծվեց, մտածում էի, որ նույն ճակատագիրն է սպասվելու այս կայքին, բայց ի զարմանս ինձ՝ կայքը սկսեց լավ նշաններ ցույց տալ: Մի քանի կայք կա, որոնց հետևում եմ, մեկն «Առաջին լրատվականն է»: Շնորհավորելով կայքի մեկամյակը` ասաց գրաքննադատ Արքմենիկ Նիկողոսյանը:
Մեզ հետ զրույցում նա ընդգծեց, որ կայքը ձգտում է լինել համապարփակ լրատվամիջոց՝ այն դեպքում, երբ որոշ կայքեր իրենց վարկանիշը փորձում են ապահովել ինչ-որ սկանդալային կամ զուտ քաղաքական լուրերով, իսկ «Առաջինը» հաճելիորեն տարբերվում է մյուս կայքերից:
«Կայքը եթե անգամ տեղադրում է որոշ սկանդալային լուրեր, այնուհանդերձ, այդ սկանդալային լուրերի մեջ զգացվում է սրտացավություն հասարակության, մշակույթի նկատմամբ»,- նշեց նա` ընդգծելով, որ լինելով մշակույթի մարդ՝ հետևում է կայքի մշակութային լուրերին, որը թեև մի քիչ զիջում է քաղաքական լուրերին, սակայն կարևոր է, որ 1in.am-ը իր ուշադրության կենտրոնում է պահում մշակույթը ու պարբերաբար անդրադառնում է դրանց:
Գրաքննադատը ցանկություն հայտնեց, որ կայքը միշտ շարունակվի և ունենա լավ ու գրագետ հարցազրույցներ վարող աշխատակիցներ, որոնց ձեռագիրը զգացվում է:
