Ամերիկյան Fox ընկերությունը համաձայնության է եկել «Սիմփսոններ» մուլտֆիլմը հնչյունավորող դերասանների հետ, որոնցից պահանջվում էր աշխատել ցածր հոնորարով: Այսպիսով, ինչպես հաղորդում է Reuters գործակալությունը, մուլտֆիլմի ցուցադրությունը երկարաձգվել է 2 եթերաշրջանով:
Ավելի վաղ հաղորդվում էր, որ «Սիմփսոնները» արտադրող ընկերությունը կարող է փոխվել կամ այն կդադարի հեռարձակվել, քանի որ 20th Century Fox Television ընկերությունը հրաժարվել է երկարացնել պայմանագրերը հնչյունավորող դերասանների հետ նույն աշխատավարձերով: Fox-ն առաջարկում էր դերասանների հոնորարը կրճատել 45%-ով, քանի որ այդ բիզնես-մոդելը ընկերության աշխատակիցների խոսքերով, շահավետ չէր:
Հեռուստաընկերությունը, սակայն, չի հստակեցրել, թե ինչ պայմաններով է հաջողվել փոխհամաձայնության հասնել դերասանների հետ:
