«Եվրահանձնաժողովը հավանության է արժանացրել Microsoft ընկերության կողմից Skype-ը գնելու նախաձեռնությունը»,- հայտնում է ԵԽ մամլո ծառայությունը: Մասնագետները, գնահատելով կայանալիք գործարքը, հանգել են այն եզրակացությանը, որ երկու ընկերությունների միացումը եվրոպական շուկաներում, որտեղ կան նմանատիպ ծառայություններ առաջարկող բազմաթիվ ընկերություններ, այդ թվում՝ նաև Google-ը, չի հանգեցնի մրցակցության:
Եվրահանձնաժողովը գտնում է, որ բիզնեսի համար Skype-ի, որպես հաղորդակցման ծառայության, հնարավորությունները, սահմանափակ են, և Skype-ը ուղղակիորեն չի մրցակցում Microsoft-Lync-ի հետ, որից օգտվում են աշխարհի խոշորագույն շատ ընկերություններ:
Հիշեցնենք, որ Microsoft-ը մայիսին պայմանագիր էր ստորագրել՝ 8.5 միլիարդ դոլարով Skype-ը գնելու վերաբերյալ: Skype-ի գնումը կլինի Microsoft-ի ամենամեծ ձեռքբերումն իր պատմության մեջ:
Skype ընկերությունը հիմնադրվել է 2003 թվականին: Այն ունի 500 միլիոնից ավելի օգտատեր:
