«Դպրոցականների վոլեյբոլի լիգա» մարզական խաղեր. հայտնի են եզրափակիչ փուլի մասնակից դպրոցները

Դեկտեմբերի 22-25-ը ՀՀ վարչապետի հովանու ներքո կանցկացվի «Դպրոցականների վոլեյբոլի լիգա» մարզական խաղերի եզրափակիչ փուլը: Հանդիպումները տեղի կունենան Սպորտի կառավարման կենտրոնի ենթակայությամբ գործող մարզահամալիրում (հասցե՝ ք. Երևան, Մանանդյան 41)։ Այս մասին տեղեկացնում են ԿԳՄՍՆ-ից:

«Դպրոցականների վոլեյբոլի լիգա» մարզական խաղերի նախապատրաստական աշխատանքներին ծանոթանալու և ընթացիկ հարցերը քննարկելու նպատակով Սպորտի կառավարման կենտրոն են այցելել ԿԳՄՍ նախարար Ժաննա Անդրեասյանը և նախարարի տեղակալ Հասմիկ Ավագյանը:

Վոլեյբոլի լիգան անցկացվում է 3 փուլով՝ համայնքային, մարզային և եզրափակիչ, երկու տարքային խմբերի դպրոցականների միջև՝

• 6-7-րդ դասարաններ (2013-2014 թվականներին ծնված աշակերտներ).

• 8-9-րդ դասարաններ (2011-2012 թվականներին ծնված աշակերտներ):

6-7-րդ դասարանների պայքարում համայնքային և մարզային փուլերի արդյունքներով եզրափակիչ փուլում հանդես գալու իրավունք են ստացել հետևյալ դպրոցների թիմերը`

Երևանի թիվ 177 հիմնական դպրոց
Արագածոտնի մարզի Աշտարակի Վ․ Պետրոսյանի անվան հիմնական դպրոց
Արարատի մարզի Նորաշենի միջնակարգ դպրոց
Արմավիրի մարզի Վաղարշապատի «Ներսիսյան» թիվ 6 հիմնական դպրոց
Գեղարքունիքի մարզի Լուսակունքի միջնակարգ դպրոց
Լոռու մարզի Թեղուտի միջնակարգ դպրոց
Կոտայքի մարզի Ակունքի միջնակարգ դպրոց
Շիրակի մարզի Արթիկի թիվ 4 հիմնական դպրոց
Սյունիքի մարզի Կապանի թիվ 13 հիմնական դպրոց
Վայոց ձորի մարզի Վայքի հիմնական դպրոց
Տավուշի մարզի Պտղավանի միջնակարգ դպրոց
8-9-րդ դասարանների պայքարում եզրափակիչ փուլում հանդես կգան ներքոնշյալ թիմերը`

Երևանի թիվ 177 հիմնական դպրոց
Արագածոտնի մարզի Արագածի թիվ 1 միջնակարգ դպրոց
Արարատի մարզի Նորաշենի միջնակարգ դպրոց
Արմավիրի մարզի Արազափի միջնակարգ դպրոց
Գեղարքունիքի մարզի Լուսակունքի միջնակարգ դպրոց
Լոռու մարզի Թեղուտի միջնակարգ դպրոց
Կոտայքի մարզի Աբովյանի թիվ 10 հիմնական դպրոց
Շիրակի մարզի Մարալիկի միջնակարգ դպրոց
Սյունիքի մարզի Սիսիանի թիվ 2 հիմնական դպրոց
Վայոց ձորի մարզի Վայքի հիմնական դպրոց
Տավուշի մարզի Խաչթառակի միջնակարգ դպրոց
Մրցաշարի համայնքային փուլին, ընդհանուր առմամբ, 443 դպրոցի 5067 աշակերտ է մասնակցել: Եզրափակիչ և երրորդ տեղի հանդիպումները կանցկացվեն դեկտեմբերի 25-ին։ Մուտքն ազատ է:

Վոլեյբոլի լիգայի մրցանակային տեղեր գրաված յուրաքանչյուր տարիքային խմբի թիմի 9 անդամները և ֆիզկուլտուրայի ուսուցիչը կպարգևատրվեն ԿԳՄՍՆ համապատասխան կարգի հավաստագրերով, գավաթներով, մեդալներով և դրամական պարգևներով՝ դպրոցի մարզական ենթակառուցվածքների բարելավման կամ մարզական գույք ձեռք բերելու նպատակով:

Յուրաքանչյուր տարիքային խմբում 1-ին տեղ գրաված դպրոցը պարգևատրվում է 4 մլն ՀՀ դրամով, 2-րդ տեղը՝ 2,5 մլն ՀՀ դրամով և 3-րդ տեղը՝ 1,5 մլն ՀՀ դրամով: Պարգևատրվում են նաև դպրոցի ուսուցիչները՝ 1-ին տեղ՝ 700 հազար ՀՀ դրամ, 2-րդ տեղ՝ 500 հազար ՀՀ դրամ և 3-րդ տեղ՝ 300 հազար ՀՀ դրամ:

Մրցաշարի հաղթող թիմերի աշակերտները յուրաքանչյուր տարիքային խմբում պարգևատրվում են դրամական մրցանակներով․ 1-ին տեղ՝ 9 աշակերտ՝ 150 հազարական ՀՀ դրամ, 2-րդ տեղ՝ 9 աշակերտ՝ 100 հազարական ՀՀ դրամ, 3-րդ տեղ՝ 9 աշակերտ՝ 75 հազարական դրամ:

Խաղերի նախապատրաստման և անցկացման աշխատանքները համակարգում է ՀՀ կրթության, գիտության, մշակույթի և սպորտի նախարարությունը՝ համագործակցելով Հայաստանի վոլեյբոլի ֆեդերացիայի հետ։

Հայտնի է դեկտեմբերի 22-ի և 23-ի խաղացանկը։