Հոկտեմբերի 5-ին Նյու Յորքի Ուոլ Սթրիթում տեղի ունեցած բողոքի ակցիան ամենաբազմամարդն է եղել: Ըստ Reuters գործակալության` բողոքի ակցիայի մասնակիցների թիվը գերազանցել է 5 հազարը:
Ուոլ Սթրիթի «օկուպանտներին» միացել են նաև խոշոր արհեստակցական միությունների ներկայացուցիչներ կապի, բժշկության, կթության ոլորտներից: ԱՄՆ ֆինանսական հիմնական հաստատությունների փողոցում երեկ ձերբակալվել են տասնյակ ցուցարարներ ոստիկանությանը վիրավորելու և ոստիկանական արգելքը շրջանցելու համար:
Նմանատիպ բողոքի ակցիաներ են տեղի ունեցել Սան Ֆրանցիսկոյում, Լոս Անջելեսում, Սիեթլում: Հիշեցնենք, որ բողոքի ակցիան սկսվել է սեպտեմբերի 17-ին, երբ բողոքի ելած ցուցարարները որոշել են արագ գրավել Նյու Յորքի այդ փողոցը` առաջ քաշելով սոցիալ-տնտեսական ոլորտում բարեփոխումներ անցկացնելու պահանջներ` «Կերե՛ք էլիտային», «Կա ավելի լավ բան, քան կապիտալիզմն է» կարգախոսներով: Փողոցները շատ արագ փակելու և դրանք կաթվածահար անելու համար նրանց անվանում են «օկուպանտներ»:
