Հայկական կողմն ինչպես Իրանի դեպքում գիտի՝ ինչ է անցնում, այնպես էլ այս դեպքում է լինելու,- հայտարարել է ԱԺ նախագահ Ալեն Սիմոնյանը՝ անդրադառնալով «Թրամփի ուղով» Ադրբեջանին անխոչընդոտ ճանապարհ տրամադրելու հարցին. «Կան սկաներներ, մեքենան դրա միջով է անցնելու։ Հիմա աշխատանքը կայանում է դրա մեջ»։
Ինչ վերաբերում է Ալիևի հայտարարություններին, թե իրենք չեն ցանկանում հայ սահմանապահների դեմքը տեսնել, Սիմոնյան ասել է. «Խոսքը գնում է նրա մասին, որ լարվածություն կա, վերքերը թարմ են թե՛ մեր, թե՛ իրենց կողմից։ Եւ խոսքը գնում է դեմ առ դեմ իրար հետ շփվելու մասին»։ Ըստ նրա, 5-10 տարի հետո դրա կարիքը չի լինի։
Սիմոնյանը նաև նշել է, որ այնպես չէ, որ հայերի մեծամասնությունն ուզում է ադրբեջանցի սահմանապահի դեմք տեսնել․ «Ու դա վատ է, որովհետև հարևաններ ենք, ու ժամանակի ընթացքում դա էլ է դուրս գալու, որովհետև նույն հայերն ու ադրբեջանցիները Մոսկվայում բիզնես, ընկերություն են անում, իրար երես են տեսնում, նույնը՝ Վրաստանում, այլ երկրներում»։
