«Այս օրերին ականատես ենք նստացույցին, ու հասարակության մոտ հարցեր են առաջացել, թե ինչու այնտեղ չենք»,- այսօր հրավիրված ասուլիսում ասաց «Սարդարապատ» շարժման նախաձեռնող խմբի ղեկավար Ժիրայր Սեֆիլյանը: Նա նշեց կարևոր մի քանի կետ, նախ` այնտեղ բեմահարթակից հնչած քաղաքական ելույթների գլխավոր պատճառն արտահերթ ընտրություններն են, սակայն իրենք բազմիցս ասել են, որ այս վարչակարգի ներքո անհնար է անցկացնել ազատ ու արդար ընտրություններ:
Նրա խոսքով` մարդկանց մեծ մասն օգտագործում է ժողովրդին` անձնական շահերի համար: Դա իրենց համար անընդունելի է. «Այնտեղ չենք, քանի որ չենք ուզում փոփոխություններ լինեն Պողոսին հեռացնելով, Թորոսին վերադարձնելով: Միայն վեհ գաղափարների համար արժի գնալ զոհողությունների: Դժբախտաբար, մեր հորդորները չեն լսել»:
Սեֆիլյանը ողջունեց հրապարակի մարդկանց ու հատկապես երիտասարդներին: Ես ուրախ ու հպարտ եմ որ ունեմ այսպիսի երիտասարդներ, որոնք պայքարում են իրենց իրավունքների համար»:
Մենք մեզ համարոմ ենք մեր ժողովրդի մի մասնիկը
Նա ասաց, որ այսօր ժամը 15:00-18:00-ն լինելու է Ազտության հրապարակում, ոչ թե՝ հարթակում ու պարաստակամ է զրուցել երիտասարդների հետ: Հենց Ազատության հրապարակում գտնվող մի խումբ երիտասարդ ակտիվիստներ էլ իրեն հրավիրել են այնտեղ:
Իրավիճակի գնահատականը տալով` բանախոսն ասաց, որ երկխոսություն-հետերկխոսության ընթացքից Սերժ Սարգսյանն ակնկալում է «վերահսկելի պահել Տեր-Պետրոսյանի քաղաքական միավորը»: «Այդ վերահսկելիությունը պահպանելով՝ Սարգսյանը լուծում է մի քանի խնդիրներ, նախ՝ նոր քաղաքական ուժ ի հայտ չի գա, լուծում է իր կողմից անցանկալի անհատներին դուրս մղել օրինակ` Քոչարյանին, ու մաշեցնել Տեր-Պետրոսյանի ուժը՝ մինչև ընտրությւոււնները»,- ասաց Սեֆիլյանը:
Նրա խոսքով` Տեր-Պետրոսյանը ուզած թե չուզած է ընդունել Սերժի կանոնները: Ու այն ընդունել է,
որ խորհրդարանում իր կողմնակիցները մի քանի աթոռ զբաղեցնեն:
