Արտակարգ իրավիճակների նախարարությունից տեղեկացնում են, որ Տավուշի մարզում հոկտեմբերի 2ի երեկոյան տեղի ունեցած խոշոր սողանքի գոտում ստեղծվել է ՀՀ ԱԻՆ օպերատիվ շտաբ` ԱԻ նախարար Արմեն Երիցյանի գլխավորությամբ:
Քիչ առաջ ԱԻՆ օպերատիվ շտաբից տեղեկություն ստացվեց, որ շտապ անհրաժեշտ է գտնել սողանքային գոտում հայտնված մեծ, կցորդով բեռնատարների վարորդներին:
Նախարարությունը Խնդրում է վերոնշյալ վարորդներին և բոլոր նրանց, ովքեր գիտեն նրանց գտնվելու վայրը կամ ունեն որևէ տեղեկություն սողանքային գոտում հայտնված մեծ, կցորդով բեռնատարների վարորդների վերաբերյալ, շտապ զանգահարել ՀՀ ԱԻՆ ճգնաժամային կառավարման կենտրոնում գործող թեժ գծի հեռախոսահամարներով` 911, 010-52-96-90 , 010-36-02-97 , 060440238:
