2025 թվականի օգոստոսի սկզբի դրությամբ համընդհանուր հայտարարագիր ներկայացրած մոտ 38000 քաղաքացի պետությունից ստացել է շուրջ 3.3 մլրդ դրամ սոցիալական ծախսերի փոխհատուցում։ Արդեն մոտ 92 հազար քաղաքացի ներկայացրել է իր հայտարարագիրը: Այդ մասին ասված է ՊԵԿ նախագահ Էդուարդ Հակոբյանի Ֆեյսբուքի էջում:
«Համակարգի առավելությունների մասին քաղաքացիների իրազեկվածության աճը մեծացրել է դիմումների և փոխհատուցումների ծավալը։
Ձեր հայտարարագիրը կարող է վերածվել իրական աջակցության՝ ձեր ընտանիքի կրթական և առողջապահական կարիքները բավարարելու համար»,- նշված է գրառման մեջ։
