Հայտնի փոփ-երգիչ Մայքլ Ջեքսոնի նախկին բժիշկ Կոնրադ Մյուրեյի դատավարության ժամանակ պարզվել է, որ Ջեքսոնն արդեն մահացած է եղել, երբ նրան տեղափոխել են հիվանդանոց:
Ինչպես հաղորդում է BBC-ն, երկու բժիշկներ հավաստիացրել են ատենակալներին, որ իրենք, Մյուրեյի պնդմամբ, փորձել են վերակենդանացնել Ջեքսոնին, սակայն դա իրենց չի հաջողվել:
Բժիշկներից մեկը հայտնել է, որ Կոնրադ Մյուրեյը այդ ժամանակ հոգնած տեսք ուներ և ի վիճակի չէր հայտնել, թե որքան ժամանակ է անցել այն բանից հետո, երբ Ջեքսոնը դադարել է շնչել:
Նախնական տարբերակով` Մայքլ Ջեքսոնը մահացել է ուժեղ հանգստացնող դեղամիջոցների չարաշահման հետևանքով: Նրա բժիշկը մեղադրվում է կանխամտածված սպանության մեջ:
