«Հիդրոօդերևութաբանության և մոնիթորինգի կենտրոն» ՊՈԱԿ-ից հայտնում են.
«Հարգելի քաղաքացիներ, հանրապետության տարածքում բարձր ջերմաստիճանով պայմանավորված՝ զգալիորեն աճել է խոտածածկ և անտառային տարածքներում հրդեհների առաջացման վտանգը։
Խնդրում ենք ցուցաբերել առավելագույն զգոնություն և պահպանել հրդեհավտանգ շրջաններում գտնվելու անվտանգության կանոնները՝
- Խարույկ վառեք միայն հատուկ նախատեսված և թույլատրված տարածքներում,
- Խարույկը երբեք մի թողեք առանց հսկողության։ Մինչ տվյալ վայրից հեռանալը համոզվեք, որ այն լիովին մարված է,
- Խստիվ արգելվում է վառվող լուցկի կամ ծխախոտի մնացորդ նետել խոտածածկ կամ անտառային տարածքներում,
- Խուսափեք ապակյա կամ լույս անդրադարձնող իրեր թողնել բնության գրկում, քանի որ դրանք կարող են առաջացնել հրդեհ արևի ուղիղ ճառագայթների ազդեցությամբ,
- Կրակի կամ ծխի նշաններ նկատելու դեպքում անհապաղ դիմեք Ներքին գործերի նախարարության Փրկարար ծառայություն՝ զանգահարելով 911։
Պահպանենք բնությունը՝ պաշտպանելով այն հրդեհներից»։
