Ռուսական Regnum լրատվական գործակալության փոխանցմամբ՝ ադրբեջանցի քաղաքագետ Վաֆա Գուլուզադեն հայտարարել է, որ «Արևելյան գործընկերություն» ծրագրում ընդգրկված Հայաստանին, Վրաստանին, Ադրբեջանին, Մոլդովային, Ուկրաինային ու Բելառուսին ճանաչելով որպես Արևելյան Եվրոպայի հատված՝ ԵՄ-ը դրանով իսկ հստակ ազդանշան հղեց Ռուսաստանին, որ այսուհետ այդ երկրներն ացնում են իր պաշտպանության ներքո.
«Ոչ ոքի համար գաղտնիք չէ, որ Ռուսաստանը ցանկանում է վերականգնել ԽՍՀՄ-ը, սակայն ԵՄ-ը, այդ երկրները հայտարարելով Արևելյան Եվրոպայի մի մաս, ըստ էության, երաշխիքներ տվեց նրանց անկախության պահպանման վերաբերյալ։ Դրա հետ մեկտեղ, դա հստակ ազդանշան էր նաև Թուրքիային, ուր վերջին շրջանում ուժեղացել են նեոօսմանական միտումները։
Այդպիսով, մենք ականատես եղանք պատմական գործընթացի, երբ ԵՄ-ը առաջին անգամ հետխորհրդային երկրները հայտարարում է իր պատասխանատվության գոտի։ Այս գործընթացը շարունակվելու է նաև հետագայում»։
Հիշեցնենք, որ սեպտեմբերի 29-30-ը Վարշավայում տեղի ունեցած «Արևելյան գործընկերության» գագաթնաժողովում ընդունված համատեղ հռչակագրում վերոնշյալ 6 հետխորհրդային երկրները որակված էին որպես «Արևելյան Եվրոպայի երկրներ»։