Եմենի ռազմաօդային ուժերը սխալմամբ կրակ են բացել երկրի բանակի զինծառայողների վրա, ինչի արդյունքում զոհվել է առնվազն 30 զինվորական: Այս մասին հայտնում է Associated Press-ը` հղում անելով երկրի ռազմական գերատեսչությունում անանուն աղբյուրին:
Իշխանությունների խոսքերով՝ զինվորականները տեղակայված են եղել Աբայան շրջանի Զինջիբար քաղաքի մոտակայքում գտնվող դպրոցներից մեկում:
Եմենի իշխանություններն ակտիվ պայքարում են «Ալ-Կաիդայի» գրոհայինների դեմ, ովքեր այս տարվա մայիսին գրավել էին Զինջիբարը:
Հիշեցնենք, որ Եմենում շարունակվում են հակառավարական ցույցերը: Նախագահ Ալի Աբդուլլահ Սալեհի հրաժարականը պահանջող ցուցարարների և իրավապահների միջև բախումները շարունակվում են: