Fightnews.com-ի հաղորդմամբ, բռնցքամարտիկներ Վախթանգ Դարչինյանը, Աբներ Մարեսը, Յոնի Պերեսը և Ջոզեֆ Ակբեկոն երեկ հանդես են եկել մամլո ասուլիսով` դեկտեմբերի 18-ին Մեքսիկայում կայանալիք մարտից առաջ:
WBA/IBF վարկածով առաջին թեթևագույն քաշային կարգում աշխարհի չեմպիոն Վիկ Դարչինյանը հանդիպելու է Աբներ Մարեսի հետ, իսկ IBF վարկածով չեմպիոն Պերեսը` Ջոզեֆ Ակբեկոյի հետ:
Դարչինյանը նշել է, որ լավ է պատրաստվել. «Ես հիմա մարզվում եմ Լոս Անջելեսում և շատ կենտրոնացած եմ պայքարի վրա: Ես շատ արագ և ուժեղ եմ լինելու: Մենամարտից հետո Մարեսը դեռ երկար է հիշելու ինձ»:
Մարեսն իր հերթին ասել է, որ համառորեն մարզվել է, քանի որ Դարչինյանը կոշտ և ուժեղ բռնցքամարտիկ է: «Վիկն ապացուցել է, որ ուժեղ է, նա չեմպիոն է և իսկապես մենամարտը բարդ է լինելու, բայց ես կփորձեմ հաղթել նրան: Ես կարծում եմ, որ արագությունն իմ առավելությունն է»,- ասել է Մարեսը։
