Վիետնամի Կոմունիստական կուսակցության Կենտրոնական կոմիտեի գլխավոր քարտուղար Թո Լամը կայցելի Ղազախստան, Ադրբեջան, Ռուսաստան և Բելառուս։ Ինչպես տեղեկանում է ՏԱՍՍ գործակալությունից, այդ մասին հայտնել է Վիետնամի Սոցիալիստական Հանրապետության արտաքին գործերի նախարարությունը։
«Ղազախստանի Հանրապետության նախագահ Կասիմ-Ժոմարտ Տոկաևի, Ադրբեջանի Հանրապետության նախագահ Իլհամ Ալիևի, Ռուսաստանի Դաշնության նախագահ Վլադիմիր Պուտինի և Բելառուսի Հանրապետության նախագահ Ալեքսանդր Լուկաշենկոյի հրավերով Վիետնամի Կոմունիստական կուսակցության Կենտրոնական կոմիտեի գլխավոր քարտուղար Թո Լամը տիկնոջ հետ 2025 թվականի մայիսի 5-ից 12-ը պետական այցով կժամանի Ղազախստանի Հանրապետություն, պետական այցով՝ Ադրբեջանի Հանրապետություն, պաշտոնական այցով՝ Ռուսաստանի Դաշնություն և կմասնակցի Հայրենական մեծ պատերազմում տարած հաղթանակի 80-ամյակի տոնակատարությանը, ինչպես նաև պետական այցով կժամանի Բելառուսի Հանրապետություն՝ Վիետնամի բարձրաստիճան պատվիրակության գլխավորությամբ», – ասված է Վիետնամի արտաքին գործերի նախարարության հաղորդագրության մեջ:
