ԱՄՆ տիեզերական գործակալությունը NASA-ն կարողացել է հայտնաբերել այն աստղակերպերի մոտ 93%-ը, որոնք սպառնում է մեր մոլորակին: NASA-ում ասել են, թե նախկինում իրենք կարծում էին, որ Երկիր մոլորակից 195 մլն կմ հեռավորության վրա շրջում են մոտ 1 կմ շառավղով ավելի քան հազար աստղակերպեր: Նոր հետազոտությունները ցույց են տվել, որ դրանք 981-ն են:
Նման աստղակերպերից մեկը, ըստ գիտնականների, 65 միլիոն տարի առաջ ընկել է Երկիր մոլորակի վրա՝ մեքսիկական Յուկատան թերակղզու մոտ` սպանելով ոչ միայն դինոզավրերին, այլ նաև կակղամորթերին, որոնք բնակվում էին Խաղաղ օվկիանոսի հատակին: NASA-ի ներկայացուցիչները նշել են, թե հիմա հավանականությունը, որ Երկիր մոլորակին կհարվածի մի այլ աստղակերպ, որը մինչև հիմա հայտնաբերված չէ, շատ փոքր է:
NASA-ն մեծ հետաքրքրություն է դրսևորում աստղակերպերի նկատմամբ, քանի որ նախագահ Բարաք Օբաման տիեզերագնացներին առաջադրանք է տվել մինչև 2025 թ. վայրէջք կատարել աստղակերպերից մեկի վրա, որը դեպի Մարս մոլորակ ուղևորվելու ծրագրի մի մասն է: