Մարդկանց տրամադրությունն առավոտյան շատ ավելի լավ է լինում, քան օրվա մյուս ժամերին: Այս մասին են վկայում ԱՄՆ-ում անցկացված ուսումնասիրության արդյունքները, որոնց հանգել են մասնագետները` հետազոտելով Twitter միկրոբլոգների կայքում արված հարյուր միլիոնավոր գրառումները:
Կոռնելի համալսարանի սոցիոլոգները ստեղծել են հատուկ ծրագիր, որը դրական բառեր կամ արտահայտություններ դուրս կբերի 509 միլիոն թվիթներից, որ կատարել են մոտ 2.4 միլիոն օգտատեր աշխարհի 84 երկրներում երկու տարիների ընթացքում: Դրական տրամադրության գագաթնակետն առավոտյան է, ապա գալիս են բացասական էմոցիաները, հենց որ սկսվում է աշխատանքային օրը: Լավ տրամադրության երկրորդ գագաթնակետը կեսգիշերին մոտ է, երբ տեղի է ունենում բացասականի ազդեցության կտրուկ անկում: Այս մասին ասվում է Science ամսագրում հրապարակված հոդվածում:
Շաբաթվա օրերին ամենադրականը շաբաթ և կիրակի օրերն են, որոնց բաժին է ընկնում դրական արտահայտությունների մեծ մասը: Նշվում է, որ այս օրինաչափությունը առկա է նաև մուսուլմանական երկրներում, որտեղ հանգստյան օրերը չեն համընկնում աշխարհի մյուս մասերում հանգստյան օրերի հետ:
