«Սկսել ա» երկրում իշխանափոխության գործընթացը: Այսօր «Առաջին լրատվական»-ի հետ զրույցում ասաց Հայաստանի լիբերալ կուսակցության նախագահ Հովհաննես Հովհաննիսյանը` խոսելով ՀԱԿ-ի «Սկսել ա» կարգախոսի մասին:
«Սկսել ա»-ն շատ լավ և հաջող հայերեն բառ է: Ես այն կմեկնաբանեմ այսպես, որ սկսել ա բարեփոխումների շրջանը, երկրում սկսել ա իշխանափոխության գործընթացը»,- մեկնաբանեց Հ. Հովհաննիսյանը` հավելելով, որ կարգախոսի բուն իմաստը կբացահայտվի վաղը հանրահավաքի ժամանակ:
Նա նաև նշեց, որ բոլոր կոչերն ու կարգախոսները կհաջողեն, եթե հասարակությունն ընդունի ՀԱԿ վերջին հանրահավաքին հնչած հանձնարարությունը, որի համաձայն՝ յուրաքանչյուրը պետք է հաջորդ հանրահավաքին իր հետ բերի ևս հինգ քաղաքացու: