Բահրեյնի դատարանը 5-15 տարով ազատազրկել է այն բժիշկներին, որոնք հակակառավարական ցույցերի ժամանակ վիրավորված ընդդիմադիր ցուցարարներին օգնություն են ցուցաբերել: Այս մասին հաղորդում է BBC-ն:
Նրանց մեղադրանք է առաջադրվել կառավարությունը գահընկեց անելու կոչեր հնչեցնելու, ինչպես նաև միջէթնիկ բախումներ հրահրելու համար: Երեք շաբաթ առաջ, երբ, որպես բողոքի նշան, բժիշկները հացադուլ էին հայտարարել, նրանց ազատ էին արձակել գրավի դիմաց: Իրավապաշտպանները նշում են, որ բժիշկները ցուցարաների հանդեպ համակրանք չեն արտահայտել, այլ պարզապես նրանց օգնություն են ցուցաբերել:
