Սեպտեմբերի 23-24-ը տեղի է ունեցել Единая Россия կուսակցության խորհրդի 12-րդ համագումարը, որին մասնակցելու հրավեր են ստացել նաև ՀՀԿ խմբակցության անդամները: Այս մասին այսօր հետագա քաղաքական զարգացումների շուրջ հրավիրված մամուլի ասուլիսի ժամանակ հայտնեց ՀՀԿ խմբակցության անդամ, ԱԺ պատգամավոր Գագիկ Մելիքյանը:
«Համագումարին մասնակցել ենք ես և Գագիկ Մինասյանը: Հանդիպել ենք Единая Россия խմբակցության ղեկավար Բորիս Գրիզլովի հետ: Հանդիպման շրջանակներում Գրիզլովը հստակ հայտարարել է, որ առաջիկա ընտրություններում Հայաստանում ՀՀԿ-ի և Ռուսաստանում Единая Россия-ի հաղթանակները շատ կարևոր են»: