Մեծ Բրիտանիայի արտաքին գործերի նախարար Դևիդ Լեմիի խոսքով՝ եվրոպական երկրները պետք է ոչ միայն սառեցնեն ռուսական ակտիվները, այլև բռնագանձեն դրանք։ «Իհարկե, Եվրոպան պետք է արագ գործի, և ես կարծում եմ, որ մենք պետք է ակտիվների սառեցումից անցնենք դրանց բռնագանձման»,- ասել է նա Բրիտանիայի խորհրդարանում:
Լեմին ընդգծել է, որ ոչ մի կառավարություն չի կարող միայնակ գործել այս հարցում։ «Մենք պետք է գործենք մեր եվրոպացի դաշնակիցների հետ միասին»,- ասել է նախարարը։ Նրա խոսքով՝ այս հարցն արդեն քննարկվել է G7 երկրների և մյուս միջազգային դաշնակիցների հետ։
