Բունդեսթագի ընտրություններից մի քանի օր առաջ «Այլընտրանք Գերմանիայի համար» աջ պոպուլիստական կուսակցությունը Գերմանիայից պահանջել է հեռու մնալ Ուկրաինայի պատերազմից:
«Սա մեր պատերազմը չէ», – հայտարարել է կուսակցության համահիմնադիր և պատվավոր նախագահ Ալեքսանդր Գաուլանդը։
Ելույթի ընթացքում Գաուլանդը հայտարարել է, որ Ուկրաինայում Ռուսաստանի պատերազմը «սխալ է և անարդար», բայց դա պատերազմ է Ռուսաստանի և Ուկրաինայի միջև, ոչ թե Ռուսաստանի և Գերմանիայի․
«Ուկրաինայի առաջնորդ Զելենսկին ցանկանում է մեզ պատերազմի մասնակից դարձնել՝ պնդելով, որ պաշտպանում են նաև մեր ազատությունը»։
