ԱՄՆ պետքարտուղար Հիլարի Քլինթոնը քննադատել է Իսրայելի` օկուպացված Արևելյան Երուսաղեմում 1100 նոր բնակարան կառուցելու որոշումը: Այս մասին հաղորդում է BBC-ն:
Նրա խոսքերով` այս քայլը կխանգարի պաղեստինցիների և իսրայելցիների միջև խաղաղ բանակցությունների վերսկսմանը: Միաժամանակ նա նշել է, որ սադրիչ գործողություններից պետք է խուսափեն երկու կողմերն էլ: Այս հայտարարությունն առավել հատկանշական է այն առումով, որ ԱՄՆ-ը փորձում է թույլ չտալ, որ Պաղեստինը դիմի ՄԱԿ անկախությունը ճանաչելու խնդրանքով` դրա դիմաց առաջարկելով վերսկսել խաղաղ բանակցություններն Իսրայելի հետ: Հրեական պետության նման քայլը, փաստորեն, կխոչընդոտի ամերիկյան դիվանագիտության ջանքերին:
