2011 թ. աշխարհի ամենաազդեցիկ մարդ է համարվել Գերմանիայի կանցլեր Անգելա Մերկելը: «Ազդեցիկության» ամենամյա վարկանիշային աղյուսակը հրապարակել է New Statesman բրիտանական ամսագիրը: Այստեղ ընդգրկվել են 50 անուններ, որոնք այս կամ այն կերպ ազդել են ընթացիկ տարվա իրադարձությունների զարգացման վրա:
Մերկելն առաջին հորիզոնականը զբաղեցրել է եվրոյի գոտում ճգնաժամային իրավիճակներում ունեցած դրական ազդեցության համար: Անցած տարի Մերկելը 8-րդն էր, 2009 թ.` 12-րդը: Երկրորդ հորիզոնականում ամերիկացի գեներալ Դևիդ Պետրեուսն է, որը վերջերս ստանձնել է ԱՄՆ ԿՀՎ ղեկավարի պաշտոնը: Երրորդում չինացի նկարիչ Այ Վեյվեյն է, որն այս տարի ձերբակալվել է Չինաստանի իշխանություններին քննադատելու մեղադրանքով, չնայած պաշտոնական մեղադրանքը վերաբերել է ֆինանսական չարաշահումներին:
Աշխարհի ամենաազդեցիկ պետության ղեկավարների կամ կառավարության ղեկավարների ութնյակում տեղ են զբաղեցրել Բարաք Օբաման, Վլադիմիր Պուտինը, Բենյամին Նեթանյահուն, Ռեջեփ Թայիփ Էրդողանը, Դևիդ Քեմերոնը, Նիկոլա Սարկոզին:
