Բոլորովին զարմանալի չէ, որ հանցագործների մեջ լինում են բարձրաստիճան պաշտոնյաներ կամ նրանց ժառանգները, որովհետև Հայաստանում տիրում է անպատժելիության մթնոլորտ. մեկնաբանելով այսօր Մյասնիկյան պողոտայում վասնազերծված «ավազակախմբի» անդամների թվում բարձրաստիճան պաշտոնյաների զավակների առկայության փաստը` «Առաջին լրատվական»-ի հետ զրույցում այսպիսի կարծիք հայտնեց «Իրավունքի և ազատության» կենտրոնի նախագահ, իրավապաշտպան Վարդան Հարությունյանը:
Նրա խոսքով` բարձրաստիճան պաշտոնյաներն իրենց ամբողջ էներգիան, գիտելիքներն ու եռանդը ներդնում են չընտրված, կեղծիքներով ընտրված ու ինքնահաստատված իշխանությունների վերարտադրության գործում, և բնական է, որ այդ ամենը հասնում է ամենաթողության, արյունահեղության, նույնիսկ սպանությունների:
«Ես չէի զարմանա, որ քննության արդյունքում պարզվեր, որ նրանք կամ բարձրաստիճան պաշտոնյաների տղաներ են կամ բոլորն են բարձրաստիճան պաշտոնայաներ»,- ասաց իրավապաշտպանը:
