ГрузияOnline-ի փոխանցմամբ՝ՄԱԿ-ի Գլխավոր ասամբլեայի 66-րդ նիստի աշխատանքներին մասնակցելու նպատակով Նյու Յորքում գտնվող Վրաստանի արտգործնախարար Գրիգոլ Վաշաձեն հանդիպել է ԵԱՀԿ գլխավոր քարտուղար ԼամբերտոՁանիերիի հետ։
Հանդիպման ժամանակ կողմերը քննարկել են ԵԱՀԿ-ի շրջանակներում Վրաստանի միջազգային համագործակցությանն առնչվող այժմեական խնդիրներ։ Քննարկվել են նաև Վրաստանում ԵԱՀԿ-ի առաքելության վերականգնման հարցը, ինչպես նաև Ժնևյան բանակցությունները, որոնց մասնակցում է նաև ԵԱՀԿ-ն։
Հանդիպման ժամանակ ՎաշաձենՁանիերիին իրազեկել է Վրաստանի օկուպացված շրջաններում տիրող իրավիճակի, այնտեղ ընթացող ռազմականացման և մարդու իրավունքների խախտման փաստերի մասին։
Հիշեցնենք, որ Վրաստանի օկուպացված շրջանների մասին ժնևյան բանակցությունները մեկնարկել են2008 թվականի օգոստոսին տեղի ունեցած ռուս-վրացական պատերազմից հետո։ Դրանց մասնակցում են Աբխազիայի, Հարավային Օսիայի, Վրաստանի, Ռուսաստանի, ԱՄՆ-ի, ՄԱԿ-ի, ԵՄ-ի ու ԵԱՀԿ-ի ներկայացուցիչները։