Իրանական Asr Iran լրատվական կայքի հաղորդմամբ՝ ԱՄՆ նախկին փոխնախագահ Դիք Չեյնին, անդրադառնալով Իրանի միջուկային աշխատանքների շուրջ առկա մտահոգություններին, հայտարարել է. «Ես շատ մտահոգ եմ Իրանի միջուկային աշխատանքների առնչությամբ: Իրանը իր միջուկային աշխատանքները ընդհատակ է տեղափոխել և նախկինի համեմատ շատ ավելի մեծ ու հզոր ցենտրիֆուգներ է շահագործման հանձնել, ինչն ապացուցում է, որ Իրանը հնարավորություն ունի շատ ավելի արագ հարստացված ուրան ձեռք բերել»։
Դիք Չեյնին անցյալ շաբաթ News Max հեռուստաընկերության հետ հարցազրույցում նաև հայտարարել էր. «Իսրայելը, անգամ ռազմական հարձակման գնով, թույլ չի տալու, որ Իրանը ատոմային զենք ձեռք բերի»։
