ԱՄՆ նախկին նախագահ Դոնալդ Թրամփի նախընտրական շտաբը հայտարարել է, որ նրա հեռուստաբանավեճերն ԱՄՆ ներկայիս նախագահ Ջո Բայդենի հետ ավարտվել են պատմական հաղթանակով։
«Այսօր երեկոյան Նախագահ Թրամփը ցուցադրեց ավելի լավ ելույթ բանավեճերում և տարավ պատմության մեջ մեծագույն հաղթանակը`պարզորոշ հասկացնելով, թե հատկապես ինքն ինչպես կբարելավի յուրաքանչյուր ամերիկացու կյանքը»,-ասված է Truth Social սոցիալական ցանցի էջի հայտարարությունում:
Ինչպես տեղեկանում է ՏԱՍՍ գործակալությունից, հունիսի 27-ին Ատլանտայում (Ջորջիայի նահանգի) տեղի ունեցան ԱՄՆ պատմության մեջ առաջին հեռուստաբանավեճերը գործող և նախկին նախագահների միջև։ Բացի այդ, հեռուստաբանավեճերն առաջին անգամ անցկացվեցին հունիսին՝ պետության ղեկավարի՝ նոյեմբերին կայանալիք ընտրություններից չորս ամիս առաջ։ Բայդենին և Թրամփին արգելվել էր իրենց հետ ունենալ ելույթների թեզիսներ: Քաղաքական գործիչների բարձրախոսներն անջատված են եղել, մինչև նրանց չեն խնդրել խոսել:
CNN-ն արդեն հայտարարել է, որ Բայդենի ելույթը խուճապ է առաջացրել Դեմոկրատական կուսակցության շարքերում, իսկ NBC հեռուստաալիքն այն գնահատել է որպես դեմոկրատների «կոլեկտիվ ինքնասպանություն»։ Newsweek հանդեսը հաղթանակ է շնորհել Թրամփին: ԱՄՆ փոխնախագահ Քամալա Հարիսը խոստովանել է, որ Բայդենը թույլ է սկսել իր ելույթը բանավեճերում։
ԱՄՆ-ում նախագահական ընտրությունները տեղի կունենան նոյեմբերի 5-ին։ Թրամփն արդեն ստացել է պատվիրակների անհրաժեշտ թվով ձայներ՝ պետության ղեկավարի պաշտոնի համար հանրապետական թեկնածու առաջադրվելու համար։ Երկրորդ ժամկետի համար պայքարող Բայդենն ապահովել է Դեմոկրատական կուսակցության բավարար թվով պատվիրակների աջակցությունը:
