«20 տարի անց ՀՀ համար ամենամեծ տնտեսական նվաճումը, որի համար մենք այսօր պայքարում ենք, պետք է լինի գործազրկության բացարձակ նվազեցումը, աղքատության բացարձակ նվազեցումը, պետք է լինի չքավորների վերացումը՝ որպես սոցիալական խումբ»,- «Առաջին լրատվականի» հետ զրույցում նման կարծիք հայտնեց Աժ սոցիալական հարցերի մշտական հանձնաժողովի նախագահ Հակոբ Հակոբյանը ու հավելեց. «Այդ բոլորի արդյունքում մենք կհասնենք այն հաջողություններին, որ ես թվեցի, հակառակ դեպքում մենք չենք կարող որևէ հաջողություն ունենալ»:
Ըստ նրա՝ եթե ՀՀ-ն տարածաշրջանում և աշխարհում չապահովի մրցունակություն, չկարողանա պայքարել կամ չուզենա պայքարել, կամ չպայքարի զարգացած երկիր դառնալու համար, ապա չի կարող բացառել նշված կատեգորիաները՝ աղքատություն, գործազրկություն և սոցիալական չքավոր խավ, ունենալը: