Այսօր առավոտյան ժամը 10-50-ի սահմաներում Կենտրոնի ոստիկանություն բերման են ենթարկվել Գյումրիի ժուռնալիստների «Ասպարեզ» ակումբի խորհդի նախագահ Լևոն Բարսեղյանը և Առնո Կուռը:
Մոտ 10 ակտիվիստներ փորձել են Հանրապետության հրապարակում ռուսական և օտար դրոշների ներքո շքերթի դեմ ակցիա անցկացնել սակայն ոստիկանները միջամտել են և թույլ չեն տվել նրանց ձեռքից վերցրել են ցուցապաստառներ, որտեղ գրված է եղել Հայաստանը Ռուսաստանի մարզ չէ, ոչ օտար դրոշներին:
Լևոն Բարսեղյանը ներկայացրել է ակցիայի նպատակը, որից հետո ոստիկաններից մեկը ասել է, որ վերևում իրենցից լավ հասկացողներ կան, գտել են որ այս ակցիան չպետք է լինի, որից հետո Լևոն Բարսեղյանի փոխանցմամբ իրենք սկսել են վանկարկել. «ազատ, անկախ Հայաստան»:
Այս պահին նրանք գտնվում են Կենտրոնի ոստիակնությունում, իսկ ակցիայի մյուս մասնակիցները Սարյանի պուրակի մոտ:
Հիշեցնենք, որ Facebook-ում ստեղծվել էր ցանցային միջոցառում «Հայաստանի Անկախության տոնին օտար զորախմբերի և դրոշների դեմ» կարգախոսով, որտեղ ասվում էր.
«Ովքեր համարում են, որ մեր Անկախության տոնի ռազմական շքերթում օտար երկրների դրոշներն ու զորքերը անելիք չունեն, հրավիրվում ենք մասնակցելու բողոքի քայլերթին: