Արաբական «Ալ-Ջազիրա» հեռուստաընկերության գլխավոր խմբագրի պաշտոնում Ուադահ Հանֆարին կփոխարինի Կատարի թագավորական ընտանիքի անդամներից մեկը` շեյխ Ահմադ բեն Ջասիմ Երկրորդը: Այս մասին հայտնում է gulfnews.com-ը:
Հիշեցնենք, որ Հանֆարի հրաժարականը կապված է Wikileaks-ի այն հրապարակման հետ, որի համաձայն` հեռուստաընկերության գլխավոր խմբագիրն ԱՄՆ հատուկ ծառայությունների խնդրանքով իբր փոխել է լրատվամիջոցի էլեկտրոնային կայքի բովանդակությունը` հեռացնելով որոշ հրապարակումներ:
Հանֆարը արաբական մեդիաոլորտում շատ ազդեցիկ լրագրող է, նրա անվան հետ են կապված «Ալ-Ջազիրա» հեռուստաընկերության բոլոր հաջողությունները, քանի որ նա եղել է հեռուստաընկերության գլխավոր խմբագիրը վերջին 8 տարիների ընթացքում: