«Հրապարակ»-ի տեղեկություններով` Վայոց Ձորի Վայք քաղաքի «Ջերմուկ»-ի գործարանի երկրորդ մասնաշենքը, որը մինչ այս չէր գործում, պատրաստվում է ձեռք բերել ու գործարկել ԵԿՄ վարչության նախագահ Մանվել Գրիգորյանը:
«Նա մոտ երկու շաբաթ առաջ այցելել է գործարան, ծանոթացել պայմաններին և, ըստ վայքեցիների, ցանկություն է հայտնել համագործակցել գործարանի սեփականատեր Հենրիկ Խաչատրյանի` Միլիոնչիկ Հենոյի հետ: Վերջնական պայմանավորվածություն ձեռք չի բերվել, սակայն վայքեցիներն ուրախ են, որ ջերմուկի գործարանի նոր արտադրամասի գործարկմամբ նոր աշխատատեղեր կբացվեն»:
