ԱՄՆ պետքարտուղարության մամուլի խոսնակ Վենդանտ Պատելը արձագանքել է լրագրողի հարցին՝ մեկնաբանելով ՌԴ խաղաղապահ զորախմբի դուրս բերումը Լեռնային Ղարաբաղից․ «Ինչպես գիտեք, մենք մասնակից չենք եղել համաձայնեցված եռակողմ համաձայնագրին, որը վերջ դրեց 2020 թվականին Լեռնային Ղարաբաղում ռազմական գործողություններին և ռուսական զորքեր տեղակայեց այդ տարածաշրջանում։
Անկեղծ ասած, մենք չենք տեսել որևէ բան, որը ցույց կտա, որ ռուս զինվորականները նպաստում են Հարավային Կովկասն ավելի խաղաղ և կայուն դարձնելուն, և անցած աշնանը Լեռնային Ղարաբաղում տեղի ունեցած իրադարձությունները մեծապես վկայում են դրա մասին։ Սա ևս մեկ վառ օրինակ է այն բանի, որ Ռուսաստանը վստահության արժանի դաշնակից կամ գործընկեր չէ», – նշել է Պատելը։
