Ադրբեջանական Salam News գործակալության փոխանցմամբ՝ Ավստրիայի նախագահ Հայնց Ֆիշերը հոկտեմբերի 11-12-ը պաշտոնական այցով ժամանելու է Ադրբեջան։ Այս մասին այսօր հայտարարել է Ադրբեջանում Ավստրիայի դեսպան Սիլվիա Մեյեր Կայբիչը։
Վերջինս այս կապակցությամբ հայտարարել է. «Մենք Ադրբեջանի հետ համագործակցում ենք ոչ միայն տնտեսական, այլև մշակութային, զբոսաշրջային, կրթական ոլորտներում։ Մենք ցանկանում ենք ընդլայնել այդ ոլորտներում մեր երկկողմանի կապերը»։
Հիշեցնենք, որ այս տարվա հունվարի կեսերին Հայնց Ֆիշերը հայտարարել էր, թե Ավստրիան մեծ կարևորություն է տալիս ԵՄ-ի ընդլայնմանն ու «Արևելյան գործընկերություն» ծրագրի շրջանակներում ընդգրկված երկրների (այդ թվում՝ նաև Ադրբեջանի) հետ իր հարաբերությունների զարգացմանը:
