«ՀԺ»-ն գրում է. «Դեռ մի քանի շաբաթ առաջ ՀՅԴ Արևմտյան Ամերիկայի կենտրոնական կոմիտեն հայտարարություն տարածեց, որ մերժում է մասնակցել Լոս Անջելեսում ՀՀ անկախության 20– ամյակին նվիրված ճաշկերույթին։
«Ճիշտ չենք գտնում Հայաստանի անկախության վերականգնման 20-ամյակի առիթով ի պատիվ նախագահ Սերժ Սարգսյանի, տոնական հանդիսավոր ճաշկերույթ կազմակերպելու նախաձեռնությունը։ Անկախության տոնակատարությունը չի կարող առիթ ծառայել փառավորելու հեղինակազրկված պաշտոնատարների, այս պարագայում՝ մի նախագահի, որի վարած քաղաքականության հետևանքով 20-ամյա անկախ Հայաստանը ամեն օր առավել ևս խրվում է փտախտի տիղմի մեջ, իսկ ժողովրդավարությունն ու ժողովրդավարական արժեքները շարունակում են ոտնակոխ լինել, որպեսզի կարելի լինի ապահովել հանցավոր վարչակարգի վերարտադրությունը»,– մասնավորապես ասված էր հայտարարությունում»,- ապա թերթը հավելում է.
«Երեկ մենք տեղեկություններ ստացանք, որ ՀՅԴ վերոնշյալ կառույցը փոշմանել Է և ներկայանալու է սեպտեմբերի 24-ին Սերժ Սարգսյանի մասնակցությամբ սպասվող ընդունելությանը։ Ենթադրվում է, որ նրանց վրա ճնշումներ են բանեցրել կամ «բացատրական աշխատանքներ» են տարել»։
