Հայաստանի Էկոնոմիկայի նախարար Վահան Քերոբյանը Իտալիայի Բավենո քաղաքում անցկացվող Զբոսաշրջության միջազգային ֆորումի շրջանակում հանդիպումներ է ունեցել Իտալիայի զբոսաշրջության նախարար Դանիելա Սանտանկեի և Զբոսաշրջության նախարարության զբոսաշրջային քաղաքականության և զարգացման գծով գլխավոր քարտուղար Միրոն Ֆլորիսի հետ։
Ինչպես հայտնում են Էկոնոմիկայի նախարարությունից՝ Իտալիայի զբոսաշրջության նախարար Դանիելա Սանտանկեի հետ հանդիպման ընթացքում քննարկվել է երկկողմ այցելությունների խթանման հարցը, այդ թվում՝ վիզաների տրամադրման հետ կապված դժվարությունները, ինչպես նաև համագործակցությունը Հայաստանի Հանրապետության զբոսաշրջային կլաստերների զարգացման և զբոսաշրջային կրթության տրամադրման վերաբերյալ։
Քերոբյանն ու Միրոն Ֆլորիսը քննարկել են երկկողմ հարաբերությունները զբոսաշրջության և բիզնեսի ոլորտներում։
