Իրանի արտաքին գործերի նախարար Հոսեյն Ամիր Աբդոլլահիանը Morning Edition ռադիոկայանին տված հարցազրույցում ասել է, որ Իսրայելի անվտանգությունն ու քաղաքական համակարգը լիովին փլուզված են, միակ բանը, որն այժմ գործում է այդ երկրում, «ռազմական մեքենան է»։
«Համաձայն տարածաշրջանի ներսում կատարվող իրադարձությունների մասին մեր ստացած տեղեկությունների՝ Իսրայելի անվտանգությունն ու քաղաքական համակարգն ամբողջովին փլուզված են»,- ասել է Իրանի ԱԳ նախարարը՝ հավելելով, որ Իսրայելի քաղաքացիները այլևս չեն վստահում վարչապետ Բենիամին Նեթանյահուին, և միակ բանը, որն այժմ գործում է Իսրայելում, նրա «ռազմական մեքենան է»։
