Հանրաքվեով ստեղծված պետությունը մի ստորագրությամբ Շահրամանյանը հանձնեց։ «Առաջին լրատվական»-ի հետ զրույցում նշեց իրավապաշտպան Նինա Կարապետյանց։ Կարապետյանցի խոսքով՝ լավ է, որ Շահրամանյանը Բաքվի բանտում չէ, բազմաթիվ հարցեր կան, որոնց պետք է պատասխանի. «Բա դուք մի հատ Էրիտրիա էլ չեք գտել, որ ձեզ սատարի»։
Իրավապաշտպանը կարծում է, որ հասարակության մեջ պետք է ձևավորել վերաբերմունք ու պահանջ, որ տրվի քաղաքական ու իրավական գնահատական. «Սրա նրա վրա մեղավորություն գցելը դարձել է Փաշինյանի «ֆիշկան»։ Ժողովրդավարություն կրողը ոչ թե իշխանություններն են, այլ հասարակությունը։ Հասարակության գիտակցության մեջ կա փոփոխություն։ Հանրությունը հիմա ապատիայի, դեպրեսիայի մեջ է, հնարավոր չէ արագ ակտիվացնել։ Հասարակությունը նորից եռում է, վտանգ են զգում, ուղղակի ուժերի հարցում չեն կողմնորոշվում։ Մի պլյուսը այն է, որ մերժվածների հետևից հասարակությունը չի գնում։ ՌԴ-ն իր ագենտներով ոչինչ չի կարողանում անել, որովհետև հասարակության աշխարհայացքն է փոխվել»։