Առնվազն 100 մարդ վնասվածք է ստացել Բուենոս Այրեսում երկու գնացքի և մեկ ավտոբուսի բախման հետևանքով. հայտնում է արգենտինական ոստիկանությունը: Մի քանի ուղևորներ ստացել են լուրջ վնասվածքներ: Այս մասին հաղորդում է ITAR-TASS գործակալությունը:
Ներկա պահին ունեցած ինֆորմացիայի համաձայն՝ սկզբում երկաթգծերի վրա բախվել են գնացքն ու ավտոբուսը, որից հետո ավտոբուսին բախվել է երկրորդ գնացքը, որը ընթացել է երկրորդ ուղով: Վթարը տեղի է ունեցել առավոտյան ծանրաբեռնված ժամին` 07:00 (Երևանի ժամանակով 15:00): Դեպքի վայր են ժամանել հրշեջները, որպեսզի ազատեն մարդկանց, որոնք մնացել էին տրանսպորտում:
