«Ամեն երկրի իրավունքն է որոշել իր քայլերը, տվյալ դեպքում, որքան հասկանում ենք, խոսքը մի հանդիպման մասին է, որին մենք չենք մասնակցում։ Հետևաբար, կողմերի որոշումները մեկնաբանելն անհրաժեշտ չեմ համարում»,- ասել է ՌԴ ԱԳՆ խոսնակ Մարիա Զախարովան՝ անդրադառնալով հոկտեմբերի 5-ին Գրանադայում կայանալիք հանդիպմանը մասնակցելուց Ալիևի հրաժարվելու մասին հրապարակումներին։
«Բաքուն պարբերաբար մեկնաբանում է իր քայլերը, հետևաբար, նման հարցերը, կարծում եմ, պետք է հասցեագրել ադրբեջնական կողմին»,- ասել է նա։
Այս համատեքստում Զախարովան ասել է, թե ՌԴ միջնորդական դերը եղել է պրակտիկ, որը հիմնված էր երեք փաստաթղթի վրա ու հաշվի էր առնում բոլոր մանրուքները՝ առկա իրողություններ, պատմություն ու ապագա. «Այլ հարց, որ սրան ներգրավվեցին արևմտյան գործընկերները, որոնք փորձեցին իրենց օգուտը քաղել»։
