Արցախի Հանրապետության նախկին նախագահ Արայիկ Հարությունյանին, որին ապօրինաբար ձերբակալել և Բաքու են տեղափոխել, փաստաբան է տրամադրվել։ Այդ մասին հայտնել է ինքը՝ փաստաբան Ալով Սաֆարալիևը։
Նա ասել է, թե Հարությունյանի պաշտպանությունն իրականացվելու է ըստ Ադրբեջանի օրենքների և միջազգային կոնվենցիաների պահանջների, գրում է Trend.az-ը։
«Այսօր ես որպես Հարությունյանի պաշտպան ներկա եմ եղել նրա հարցաքննությանը։ Նրա առողջական և հոգեբանական վիճակը նորմալ է։ Կարող եմ ասել միայն, որ նրա տված ցուցմունքները կօգնեն լույս սփռել շատ հարցերի վրա»,–ասել է փաստաբանը։
