Վաղվանից սկսվող հացադուլի ընթացքում Վահրամ Թաթիկյանը ծրագրում է կազմակերպել միջոցառումներ` հասարակական կառույցների, ուսանողական երիտասարդական նախաձեռնությունների աջակցությամբ: Նախատեսվում են ինչպես մեր մեծերի ստեղծագործությունների, երգերի կատարումներ, այնպես էլ ցուցահանդեսներ` նվիրված հուղարկավորված նկարիչներին: Երիտասարդները կօգնեն Վահրամ Թաթիկյանին՝ այգու բարեկարգում եւ ծառատունկ իրականացնելուն:
«Սա սրբապղծություն է. օրինակ` պատկերացնո՞ւմ եք դելֆինարիում Էջմիածնի եկեղեցու բակում կամ Ազգային ժողովի բակում, որը, ի դեպ, շատ հարմար տեղ է. կհանգստանան մեր պատգամավորների հոգնած եւ փչացած նյարդերը՝ դելֆիններին դիտելով»,-ասել է Վահրամ Թաթիկյանը:
Նա նաեւ փաստել է, որ սա լինելու է 100-տոկոսանոց հացադուլ:
