Ադրբեջանի նախագահի օգնական Հիքմեթ Հաջիևը գրել է, որ Ադրբեջանը պատրաստ է ապահովել Գորիս-Կապան-Ստեփանակերտ ճանապարհով միջազգային «Կարմիր խաչ»–ի մուտքն ու ելքը՝ վիրավորներին օգնելու և տարհանելու համար․
«Կանոնավոր կապի մեջ ենք ԿԽՄԿ–ի, ինչպես նաև անմիջականորեն Ղարաբաղի հայկական բնակավայրերի ներկայացուցիչների հետ՝ տեղում արձագանքելու մարդասիրական կարիքներին.
– Երեկվանից Ադրբեջանի Աղդամի, Սաբիրաբադի և Սաաթլի շրջանների հիվանդանոցները պատրաստ են ընդունել զգալի թվով հիվանդներ Ստեփանակերտից․ այդ հիվանդանոցները համալրվել են լրացուցիչ բժշկական անձնակազմով:
– Ուղարկվել են դեղեր և այլ բժշկական իրեր՝ հատուկ այրվածքները բուժելու համար։ Բացի այդ, առաքվել է նաև պարենային օգնություն։ Այն կշարունակվի այսօր և հաջորդ օրերին։
– Ապահովվել է բժշկական բրիգադով ուղղաթիռի անարգել թռիչքը Հայաստանից դեպի Ղարաբաղ՝ բժշկական աջակցության կարիք ունեցող անձանց տեղափոխելու և տեղում բուժօգնություն ցուցաբերելու համար։
-Մենք ներկայումս աշխատում ենք Գորիս-Կապան-Էյվազլի-Ֆուզուլի-Շուշի-Ստեփանակերտ ճանապարհով ԿԽՄԿ-ին բացառիկ մուտք ապահովելու ուղղությամբ՝ բժշկական տարհանման և օգնության առաքման համար», – գրել է Հաջիևը։
